Umuyobozi w’Ishami rishinzwe inkingo no kuziha abaturage muri OMS Dr Richard Mihigo avuga ko Afurika ikeneye byibura miliyari $9 zo kuyifasha guha abaturage bayo inking za COVID-19.
Kugeza ubu hari inkingo miliyari 1.4 zigomba kuzahabwa abaturage ba Afurika mu rwego rwo kubarinda kwandura no guhitanwa na kiriya cyorezo.
Dr. Richard Mihigo avuga ko ibihugu bigomba gukora uko bishoboye bigasaranganya inkingo za COVID-19 kugira ngo hatazagira ababura amahirwe yo gukingirwa.
Yavuze ati: “ OMS ifite umugambi wo gufasha mu gukingira abaturage b’Afurika bari hagati ya 60% na 70% kandi tuzabitangira mu ntangiriro ya 2021 n’ubwo bisaba amikoro menshi.”
Umugabane w’Afurika utuwe n’abaturage bari hagati ya miliyari 1.2 na miliyari 1.3.
Afurika igomba gushaka amikoro yo kubona ziriya nkingo nayo kuyifasha mu kuzigeza ku baturage.
