Imikino
APR FC yavuguruye ubuyobozi, Gen Muganga niwe Chairman
Mu nteko y’Ikipe ya APR FC yabaye muri iki gitondo cyo kuri uyu wa Gatanu tariki 07, Mutarama, 2021 yatoye ubuyobozi bushya bwa APR FC.
Major Gen Mubarakh Muganga niwe wagizwe Chairman wayo avuye ku mwanya wungirije.
Umwanya avuyeho ubu uri kuyoborwa na Brigadier General Philimon Bayingana, imari n’umutungo bya APR FC bikazacungwa na Lt Col Emmanuel Rutebuka.
Umunyamabanga mukuru wa APR FC ni Michel Masabo.
Major General Mubarakh Muganga asanzwe ari umuyobozi w’ingabo mu Mujyi wa Kigali no Ntara y’i Burasirazuba.
