Umwe mu Banyarwanda[kazi] bitabiriye imikino Olimpiki iri kubera mu Bufaransa yasezerewe. Ni Uwihoreye Tufaha wakinaga umukino wo kurwanisha inkota, akaba yatsinzwe n’Umuyapani witwa Miho Yoshimura.
Yamutsinze ku manota 15-7 mu mikino olempike iri kubera mu Bufaransa guhera kuri uyu Gatandatu taliki 27, Nyakanga, 2024.
Umukino yasezerewemo wabereye ahitwa Grand Palais.
Uwihoreye Tufaha ni ubwa mbere yari akinnye imikino olimpiki kuko mu mwaka wa 2022 yari yakinnye iya Shampiyona y’Isi.
Umukino watangiye saa yine za mu gitondo ku isaha y’i Kigali.
Miho Yoshimura ahita amutsinda amanota 3-2 mu gace ka mbere, aka kabiri karangira yamaze kumwanikira kuri yari yagize 12-6.
Mu ka gatatu Tufaha yakoze inota rimwe gusa mu gihe Miho Yoshimura yakoze andi atatu bituma umukino urangira asezerewe mu ijonjora.
Uwatsinze ari we Miho Yoshimura yahise ahura na Sun Yiwen wo mu Bushinwa mu cyiciro gikurikiyeho.
