Imibare yatangajwe na Komisiyo y’amatora mu Burundi yitwa CENI yerekana ko ibarura ry’ibyavuye mu matora y’abayobozi ba za Komini z’Uburundi ryerekana ko ishyaka riri ku butegetsi rya CNDD-FDD ari ryo ryatsinze ku ijanisha rya 96,5 %.
Ni imibare yabonetse nyuma y’amatora yabaye tariki 05, Kamena, 2025.
CNDD-FDD yagiye ku butegetsi mu mwaka wa 2005 kandi kuva icyo gihe niyo itegeka Uburundi.
Ikindi ni uko n’ibyavuye mu matora y’Abadepite byerekana ko abahagarariye iri shyaka ari bo batsinze ku bwinshi.
Abatavuga rumwe na Leta, ku rundi ruhande, bavuga ko ariya matora yaranzwe no kwiba amajwi no gucecekesha abatavuga rumwe n’ubutegetsi bwa Gitega.
Ibyavuye mu matora bizatangazwa mu buryo bwa burundu Tariki 20, Kamena, 2025.
Ibyavuye mu matora bizatangazwa mu buryo bwa burundu Tariki 20, Kamena, 2025.
Ishyaka UPRONA niryo ryabaye irya kabiri mu kugira amajwi menshi ugereranyije n’andi mashyaka kuko ryabonye 1,38%, rikurikirwa na CNL ryabonye 0,58%.
