Mu mahanga
Burundi Ntibushaka Urukingo Rwa COVID-19

Minisitiri w’ubuzima mu Burundi Bwana Thaddee Ndikumana avuga ko igihugu cye kidakeneye inkingo z’icyorezo COVID-19 kuko abenshi mu bacyandura bahita bakira kandi ngo ‘kwirinda biruta kwivuza.’
U Burundi bubaye igihugu cya kabiri muri Afurika kivuze ko kidakeneye inkingo za COVID-19 nyuma ya Tanzania.
Ubutegetsi bw’i Gitega butangaje ibi mu gihe Afurika iri gupfusha abaturage benshi kubera ingufu COVID-19 yadukanye muri iyi minsi.
Nta gihe kinini gishize Ibiro by’Umukuru w’u Burundi bisabye ababikoramo bose kujya baza mu kazi bambaye neza agapfukamunwa.
Minisitiri Ndikumana yavuze ko 95% by’Abarundi bandura COVID-19 bateremba kandi bagakira vuba.
Ati: “ Kubera iyi mpamvu dusanga bitari ngombwa ko dutumiza inkingo za COVID-19.”
Iki gihugu giherutse gufunga imipaka yacyo cyane cyane iyo mu mazi no ku butaka.
Kugeza ubu abantu 1600 nibo byemezwa ko banduye COVID-19.
Perezida w’u Burundi Evariste Ndayishimiye aherutse kuvuga ko Imana yahannye Abarundi kuko hari bamwe muri bo barya ruswa bagahemukira abandi.
Yabivuze ubwo yari yateranye muri Misa, asaba abaturage kwirinda ubuhemu n’ikindi cyatuma Imana ibarakarira.

Minisitiri w’ubuzima mu Burundi Bwana Thaddee Ndikumana
Ivomo: ABC News
-
Mu mahanga2 days ago
Umunyapolitiki Ukomeye Ruswa Y’Igitsina Imukozeho
-
Imibereho Y'Abaturage3 days ago
I Karongi ‘Umuryango Wari Uzimye’ Habura Gato!
-
Mu Rwanda2 days ago
Urukiko Rw’Ikirenga Rwimutse, Ubushinjacyaha Nibwo Butahiwe
-
Mu Rwanda2 days ago
RCS Ivuga Ko Imfungwa ‘Yanze Kumvira’ Umucungagereza Iraraswa
-
Mu Rwanda2 days ago
Umunyarwandakazi Yapfiriye I Dubai
-
Politiki3 days ago
Kuki U Rwanda Rwafashe Rusesabagina Induru Zikavuga?
-
Icyorezo COVID-191 day ago
U Rwanda Rugiye Kwakira Inkingo Za COVID-19, Gukingira Ni Ku Wa Gatanu
-
Mu mahanga23 hours ago
Perezida Ndayishimiye Yigishije Abaturage Guhinga Kijyambere