Dukurikire kuri

Mu mahanga

DRC Iherutse Kugura Intwaro Zibura Uzigeza i Kinshasa

Published

on

Abanyarwanda baca umugani ngo ‘uwarose nabi burinda bucya.’ Mu gihe DRC iri ntambara n’Umutwe wa M23 utayoroheye, iherutse kugura intwaro uwari uzitwaye azizanye mu gihugu ageze hagati arisubira.

Ni ibiherutse kwemezwa na Minisitiri w’ububanyi n’amahanga w’iki gihugu Bwana Christophe Lutundula mu kiganiro yahaye abanyamakuru.

Yagize ati: “Hari ibyabayeho ubu, haguzwe ibikoresho bya gisirikare, ndetse byari mu nzira biza ino (muri Congo), ariko bigeze mu nzira uwari ubitwaye aravuga ngo ‘oya’, ntabwo bishobora kujya muri Congo.”

Yavuze ko hari banki, abatwara ibintu, ndetse n’abakora intwaro batifuza kugirana amasezerano na Congo.

Lutundula avuga ko uwari ubatwaje ibikoresho yabihindutse ababwira ko ngo igihugu cyabo kiri ku rutonde rw’umukara.

Ngo  yarababwiye ati: “ Baravuga ngo muri ku rutonde rw’umukara (ntimwemerewe). Nta we ushaka kugirana ibibazo n’Umuryango w’Abibumbye.”

Minisitiri w’Ububanyi n’Amahanga wa DRC Congo  akaba na Visi Minisitiri w’Intebe  Christophe Lutundula asanga ibikorerwa igihugu cye ari akarengane.

Yamaganye icyo yise ‘ikumirwa ku kugura intwaro ritagira aho ryanditse.’

Minisitiri w’Ububanyi n’Amahanga wa DRC Congo akaba na Visi Minisitiri w’Intebe Christophe Lutundula

Ikinyamakuru Infos.cd kivuga ko Christophe Lutundula yasabye ko Akanama k’Umutekano ka UN gakwiye gukuraho icyemezo cy’uko abagurisha Congo intwaro bagomba kubimenyesha UN.

Ati “Ni akarengane kadakwiye kwemerwa. Ni ikumirwa (embargo) ridafite izina, ntabwo tubikeneye.”

Kuva mu mwaka wa 2008, Guverinoma ya Congo yari yakuriweho ibihano biyibuza kugura intwaro. Icyakora muri iki gihe ushaka kuyigurisha intwaro asabwa kubimenyesha Akanama ka UN gashinzwe umutekano ku isi.

Advertisement
Advertisement