Mbere y’uko umukino wa Polisi FC na APR FC utangira, habanje gutambutswa ubutumwa bwibutsa abafana, abakinnyi n’abayobozi b’amakipe yari agiye gukina ko kwitwararika mu muhanda ari bumwe mu buryo burinda ubuzima bw’abawukoresha.

Kubera ko ari APR FC yari igiye gukina na Police FC, umuvugizi wa Polisi y’u Rwanda Commissioner of Police( CP) John Bosco Kabera n’umuvugizi w’ingabo z’u Rwanda Brigadier General Ronald Rwivanga nibo bagize uruhare runini ku kwibutsa abari aho akamaro ka Gerayo Amahoro.

Ubutumwa bw’amajwi ndetse n’ubwanditswe ku byapa bwagejejwe ku bakinnyi, abatoza n’abandi bari aho.

Nyuma nibwo hatangiye umukino wari ushyushye ku mpande zombi, ukaba warangiye APR FC itsinze Police FC igitego 1-0.