Menu
Indimi
Advert

Mu mahanga

Gutanga Urukingo Rwa COVID-19 Rwa Johnson & Johnson Byabaye Bihagaritswe

Yanditswe kuwa

Leta Zunze Ubumwe za Amerika, Afurika y’Epfo n’Umuryango w’Ubumwe bw’u Burayi byabaye bihagaritse gukingira COVID-19 bikoresheje urukingo rwa Johnson & Johnson (J&J), nyuma y’uko ruvuzweho ibibazo byo kwipfundika kw’amaraso mu bice bimwe.

Ikigo cya Leta Zunze Ubumwe za Amerika Gishinzwe Ibiribwa n’Imiti (US FDA) cyatangaje ko ibyo bibazo byagaragaye ku bantu batandatu mu basaga miliyoni 6.8 bahawe urukingo rwa J&J.

Johnson & Johnson yahise itangaza ko ibaye ihagaritse igikorwa cyo gukwirakwiza inkingo zayo mu Burayi cyari cyatangiye muri iki cyumweru, kugira ngo habanze hakorwe iperereza kuri ibyo bibazo.

Ibibazo nk’ibi byabanje kuvugwa ku rukingo rwa COVID-19 rwa AstraZeneca, ibihugu bibanza guhagarika kurukoresha, ariko nyuma iperereza riza kugaragara ko nta kibazo rufite.

Abantu batandatu bagaragayeho ibibazo bose bari abagore bafite hagati y’imyaka 18 na 48, ibimenyetso bitangira kugaragara hagati y’umunsi wa 6-13 nyuma yo guhabwa urukingo.

Ikigo gikora imiti Johnson & Johnson gikorera muri Leta Zunze Ubumwe za Amerika, gusa inkingo nyinshi zacyo zikorerwa mu Bubiligi, aho kizwi nka Janssen.

Hari n’izindi nkingo z’icyo kigo zirimo gukorerwa muri Afurika y’Epfo.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here