Taarifa yamenye ko ibyatokombereye mu nkongi yaraye yibasiye isoko ry’impunzi zo ku Kigeme bifite agaciro ka Miliyoni Frw 143.

Ni amafaranga agenekereje, ibyo bita estimation.

Iyi nkongi yaraye yibasiye isoko rituranye n’inkambi ya Kigeme iri mu Murenge wa Gasaka mu Karere ka Nyamagabe.

Yatewe n’amashanyarazi nk’uko twabibwiwe n’inzego z’umutekano mu gitondo cyo kuri uyu wa Gatandatu.

Nta buzima bw’umuntu bwahasigaye ndetse nta n’uwahakomerekeye.

Inkambi ya Kigeme isanzwe ibarizwamo impunzi zirenga 11,000.