Guhera kuri iki Cyumweru Taliki 11, Ukuboza, 2022 ku Irebero ahitwa Pegase Resort hazajya habera igitaramo gihoraho. Abakitabiriye bazajya basusurutswa n’icyamamare Xinda.
Mu bihe bitandukanye azajya afatanya na Sandra Teta kandi buri gihe uko kibaye abakitabiriye bazajya basusurutswa n’umuziki wateguwe na DJ Toxxky.
Xinda asanzwe azwiho gutegura ibirori no kubiyobora bikagenda neza.
Yabwiye Taarifa ko igitaramo cyo gutangiza iby’ibi birori kizaba kuri iki Cyumweru taliki 11, Ukuboza, 2022.
Kuri uyu munsi wihariye( Grand Opening), abantu bazagura mbere aho kwicara hatanu(5) ku meza yabugenewe, bazahabwa icyo kunywa cya Wine k’ubuntu.
Muri iki gitaramo DJ Toxxyk azafatanya DJ Lou mu gususurutsa abazitabira.
Ni igitaramo kizajya kiba buri ku Cyumweru guhera saa kumi z’umugoroba kugeza bwije cyane.
Xinda ni umwe mu bantu bafite ababakurikira kuri Snapchat benshi kurusha abandi mu Rwanda.
Aho ari bujye, abenshi barahahurira bakaza kuruhura umutwe.
Muri uyu mwaka yahawe igihembo cy’uko ari we muntu ufite iduka ry’inzoga bita liquor store rigezweho kurusha ayandi.
Iduka rye riba mu Murenge wa Kicukiro, Akarere ka Kicukiro ahitwa Zinia.
Icyo gihembo kitwa Liquor Store Award 2022.
N’ubwo muri Kigali haba ahantu henshi ho gusohokera, muri Pegase Resort uzahasanga umwihariko!
