Ikipe ya Volleyball y’abagabo mu Nteko Ishinga Amategeko y’u Rwanda yegukanye igikombe cy’imikino ya EALA nyuma yo gutsinda iy’Inteko Nshingamategeko y’Umuryango wa Afurika y’Uburasirazuba (EALA) amaseti 3-2 mu mukino waraye ubaye kuri iki Cyumweru.
Hari mu mukino warangije irushanwa ryaberaga i Mombasa muri Kenya.
Si umukino wa nyuma wonyine Abadepite bo mu Rwanda batsinze ahubwo n’indi ine yawubanjirije bari bayitsinze.
Mbere yo gutsinda iseti ya nyuma bikayihesha gutwara igikombe, ikipe y’Inteko ishinga amategeko y’u Rwanda yari yabanje kunganya n’iyo byari bihanganye ku maseti abiri kuri abiri.
Ni ubwa mbere ikipe y’Inteko ishinga amategeko y’u Rwanda yegukanye iri rushanwa ryaraye ribaye ku nshuro ya 14.
WE ARE THE CHAMPIONS: After defeating EALA (3-2), we have completed five games without defeat.
Our men's volleyball team has been crowned, for the first time, the champions of the EAC Inter-Parliamentary Games in the men's volleyball category.#EACIPG2024#EACGames2024 pic.twitter.com/n11qzM4Xi6— Rwanda Parliament (@RwandaParliamnt) December 15, 2024
Ku wa 6, Ukuboza, 2024 ni bwo iyi mikino yatangiye, nyuma yo gufungurwa ku mugaragaro na Perezida wa Kenya, William Ruto.
Yitabiriwe n’Abadepite bo muri Kenya, Uganda, Tanzania, u Burundi, Somalia, u Rwanda na Sudani y’Epfo.
Barushanyijwe muri siporo zitandukanye zirimo umupira w’amaguru, Golf, Volleyball, Basketball, Darts, Netball, imikino ngororamubiri, ‘Tug of war’ no kugenda n’amaguru.
