Menu
Indimi
Advert

Mu mahanga

Impunzi Z’Abarundi 1050 Zatahutse Ziva I Mahama

Yanditswe kuwa

Minisiteri y’Ubutegetsi bw’igihugu, Amajyambere n’Umutekano rusange mu Burundi yatangaje ko kuri uyu wa Gatatu tariki 10, Werurwe, 2021 Leta y’u Burundi yakiriye Abarundi 1124 bari bamaze imyaka baba mu nkambi y’i Mahama mu Karere ka Kirehe mu Rwanda ndetse no muri Repubulika ya Demukarasi ya Kongo.

Abahungutse bavuye i Mahama mu Rwanda ni 1050 abandi 74 bava muri Repubulika ya Demukarasi ya Kongo.

Impunzi 1050 zatahutse ziva mu Rwanda zakiririwe ku mupaka wa Gasenyi-Nemba ugabanya Akarere ka Bugesera( mu Rwanda) n’Intara ya Kirundo( mu Burundi).

Abahungutse bava muri Repubulika ya Demukarasi ya Kongo bikiririwe ahitwa i Gatumba mu Ntara ya Bujumbura.

Gucyura impunzi z’Abarundi byahawe umurongo…

Tariki 12, Mutarama, 2021Ikigo mpuzamahanga gishinzwe abinjira n’abasohoka, International Organization on Migration, cyakoranye inama na UNHCR banoza umugambi wo kuzacyura impunzi zahungiye muri Tanzania n’u Rwanda. U Rwanda na Tanzania bicumbikiye 70% by’impunzi z’Abarundi zose ziri mu Karere k’Ibiyaga bigari.

Imibare yo mu Ugushyingo, 2020 yerekanaga ko Tanzania muri kiriya gihe yari icumbikiye impunzi 149, 847 naho u Rwanda rucumbikiye impunzi z’Abarundi kugeza ubu zingana na 67, 903.

Inyinshi zahunze u Burundi muri 2015.

Abakozi b’ibigo twavuze haruguru  bavuga ko iyo witegereje ubona ko mu Burundi ibintu biri gusubira mu buryo bityo ko ababuhunze bagomba gutahuka.

Kuva ibintu byasubira mu buryo mu Burundi nk’uko babivuga, hari impunzi z’Abarundi zahisemo gutaha iwabo ku bushake ariko hari izindi zigiseta ibirenge.

Kugeza ubu Abarundi bamaze gutahuka iwabo ni 105.345. Gahunda yo kubacyura ikaba yaratangiye muri 2017.

Tariki 27, Kanama, 2020 Leta y’u Rwanda, iy’u Burundi na UNHCR basinye amasezerano agamije gufasha impunzi z’Abarundi ziri mu Rwanda gutahuka ku bushake.

Aba bari baturutse muri DRC

Ku ikubitiro hari butahuke impunzi 50 000 ariko biza gukomwa mu nkokora n’iyaduka rya COVID-19 mu Rwanda.

Ziriya mpunzi zagombaga gutaha mu mpera za 2020.

Biteganyijwe ko umwaka wa 2021 uzarangira impunzi z’Abarundi 110.000 ziri mu Rwanda na Tanzania zaratahutse.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement