Nyuma y’ibiganiro byatangiye mu mwaka wa 2012, UNESCO yemeye ko inzibutso enye za Jenoside yakorewe Abatutsi mu Rwanda zishyirwa mu bigize umurage w’isi. Izo ni urwibutso rwa Kigali, urwa Bisesero, urwa Murambi n’urwibutso rwa Nyamata.
Minisiteri y’Ubumwe bw’Abanyarwanda n’inshingano mboneragihugu ivuga ko kuba ziriya nzibutso zashyizwe mu murage w’isi bizafasha mu kurwanya abahakana iriya Jenoside ndetse bikazaba n’uburyo bwiza bwo kwigisha abakiri bato uko iriya Jenoside yagenze.
