Kuri uyu wa Gatandatu amakuru aturuka muri Repubulika ya Demukarasi ya Congo aravuga ko abarwanyi ba M23 bamaze gushyiraho umuntu uyobora Agace ka Rutchuru. Ikindi ni uko no mu bindi bice yamaze kwigarurira n’aho yahashyize abayobozi.
Uwashinzwe kuyobora Intara ya Rutchuru yitwa Wilson Ngarambe.
Iyi ntebe y’ubutegetsi yayisimbuyeho Col Luc Albert Nyengele wari warashyizweho na Perezida Tshisekedi mu kiswe Etat de Siège.
Uyu musirikare bivugwa ko yahungiye ahitwa Mabenga.
Umugabo wiwa Cedrick Sadiki uri mu bavuga rikijyana yanditse ko Ibiro bya Ngarambe bizakorera muri Sheferi ya Bwiza.
Hagati aho kandi abasirikare ba M23 bakomeje gusatira Umujyi wa Goma.
