Menu
Indimi
Advert

Mu mahanga

Minisitiri W’Intebe W’Igihugu Cyo Muri Aziya Arwariye Mu Bitaro Kubera Impiswi

Yanditswe kuwa

Ibiro Bya Minisitiri w’Intebe wa Malaysia bitangaza ko Minisitiri w’Intebe wa kiriya gihugu witwa Muhyiddin Yassin yajyanywe mu bitaro kubera impiswi zikomeye.

Byatangarijwe mu itangazo ryasohowe mu gitondo cyo kuri uyu wa Gatatu tariki 30, Kamena, 2021 nyuma y’uko mu ijoro ryo ku wa Kabiri tariki 29, Kamena 2021 yajyanywe igitaraganya kwa muganga kubera impiswi zikomeye yagize.

Reuters ivuga ko mu  mwaka wa 2018 Muhyiddin yigeze kubagwa inyama yo mu nda yitwa impindura kubera ko yari irwaye cancer.

Minisitiri w’Intebe wa Malysia ari mu bitaro kubera uburwayi bwo mu nda

Itangazo ry’Ibiro bya Minisitiri w’Intebe wa Malysia ntibyigeze bitangaza ibitaro Muhyiddin Yassin yagiye kwivurizamo.

Impindura

Ni inyama iba munsi y’igifu ishinzwe kuvubura indurwe zifasha igifu gukora neza.

Izi ndurwe bita enzymes mu Cyongereza zifasha igifu gusya ibiryo .

Impindura ni inyama y’ingenzi mu zigize igice cy’umubiri kiri munsi y’igituza kuko ifasha umubiri gushyira ku murongo amasukari ukenera binyuze mu kurekura imisemburo ikenewe mu rugero rukwiye.

Mu ntangiriro za cancer ziyifata, umuntu nta bimenyetso agaragaza ariko iyo itagaragaye hakiri kare irakomera  bikagaragazwa cyane cyane n’uko umurwayi atangira gutakaza ubushake bwo kurya, agahorota.

Impindura ni inyama ifitiye umubiri akamaro kubera ubufasha iha igifu mu kazi kacyo katajya gahagarara keretse umuntu yapfuye

Kugira ngo avurwe hari igihe bisaba ko abagwa iriya nyama ndetse rimwe na rimwe ikavanwamo.

 

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here