WASAC yamenyesheje abatuye imirenge imwe n’imwe y’Umujyi wa Kigali n’indi yo mu Karere ka Kamonyi ko kuva tariki ya 8 -22 Kamena, 2023 hazaba ibura ry’amazi.
Bikubiye mu itangazo WASAC yasohoye rivuga ko iri bura ry’amazi rizaterwa ahanini n’imirimo yo kwagura umuyoboro wa Nzove-Ntora.
Bizatuma abatuye mu Mirenge ya Nyarugunga na Kanombe yo mu Karere ka Kicukiro, abatuye muri Kacyiru, Kimihurura na Gisozi, Remera, Kimironko, Jabana, Jali, Kinyinya, Nduba, Bumbogo, Ndera na Gatsata mu Karere ka Gasabo babura amazi.
Aha ni mu Mujyi wa Kigali.
Imirenge yo muri Kamonyi izabura amazi ni uwa Gacurabwenge, Runda na Rugarika.
Iri bura ry’amazi rizamara iminsi irenga irindwi.
#Iburaryamazi.Kuva kuwa Kane tariki 08 kugeza 22 Kamena 2023,muri imwe mu Mirenge igize @KicukiroDistr @Gasabo_District na @Kamonyi ntibazabona amazi uko bari basanzwe bayabona.
#Watershortage Planned water service interruptions from 08-22 June 2023 @CityofKigali @RwandaSouth pic.twitter.com/eWGrhusCmW
— Water and Sanitation Corporation Ltd | Rwanda (@wasac_rwanda) June 2, 2023
Ubuyobozi bwa WASAC butangaza hagati aho hazabaho gusaranganya amazi ahari kereka ayo muri Rugarika kuko ho imiterere y’aho yihariye.
Muri gahunda y’Igihugu y’Iterambere (NST1), u Rwanda rwihaye intego ko mu 2024, Abanyarwanda bose bazaba bagerwaho n’amazi meza. Ni ukuvuga ku kigero cya 100%.
