Kuri Twitter Perezida wa Uganda Yoweli Museveni yanditse ko yisegura ku baturage ba Kenya n’abandi batuye Afurika y’i Burasirazuba kubera ubutumwa umuhungu Gen Muhoozi Kainerugaba amaze iminsi acisha kuri Twitter.

Yanditse ati: “ Bavandimwe baturage ba Kenya, nanditse mbiseguraho kubera ubutumwa umuhungu wanjye  Gen Muhoozi amaze iminsi atangaza kuri Twitter  ashobora kuba yarababaje benshi.”

Museveni yabanje kubwira Perezida wa Kenya ko yongeye kumushimira uko yatsinze amatora yo kuyobora kiriya gihugu mu matora aheruka.

Ubu Kenya iyoborwa na William Ruto.

Dear Ugandans, the brotherly people of Kenya, and all East Africans. I greet all of you.
I ask our Kenyan brothers and sisters to forgive us for the tweets sent by General Muhoozi.

Below is my full statement https://t.co/2xQjFNge2G pic.twitter.com/CmgnknFpUt

— Yoweri K Museveni (@KagutaMuseveni) October 5, 2022

Yakomeje avuga ko bibabaje kuba umuhungu we Muhoozi yaragiye kuri Twitter akahandikira amagambo yajoraga imigendekere y’ariya matora ndetse akavuga ko bidatinze ashobora kwigarurira Nairobi.

Museveni yavuze ko n’ubwo umuhungu we yakoze ariya mafuti, ariko ngo asanzwe ari umugabo wakoze ibyiza kandi ugifite uburyo n’ubushake bwo kubikora.

Iyo ngo niyo mpamvu yamuhaye ipeti rya General w’inyenyeri enye.

Mu itangazo rye hari aho agira ati: “ Very Sorry Ndugu Zetu waKenya …”

Yasabye imbabazi n’abaturage ba Uganda bababajwe n’imyitwarire ya Muhoozi binyuze mu byo yandikiye kuri Twitter.

Muhoozi Yabaye Jenerali W’Inyenyeri ENYE Ariko Yamburwa Inshingano