Minisitiri w’Ububanyi n’Amahanga n’Ubutwererane, Ambasaderi Olivier Patrick Nduhungirehe ari muri i Addis Ababa muri Ethiopia mu nama ‘isanzwe’ ya 49 y’Akanama k’Umuryango wa Afurika Yunze Ubumwe (AU) izaba guhera kuri uyu Kabiri italiki 28 na 29, Nyakanga(7), 2026.
Iyi nama ihuza ba Minisitiri b’Ububanyi n’Amahanga b’ibihugu bigize Umuryango wa Afurika Yunze Ubumwe igamije gutegura no gusuzuma imyanzuro izashyikirizwa Inama y’Abakuru b’Ibihugu na za Guverinoma izakurikiraho.
Izaganirirwamo ingingo zitandukanye zirimo gushimangira amahoro n’umutekano ku mugabane wa Afurika, guteza imbere ubufatanye hagati y’ibihugu ndetse no kwihutisha ishyirwa mu bikorwa rya gahunda z’iterambere ry’umugabane.
U Rwanda rukomeje kugaragaza uruhare mu bikorwa by’Umuryango wa Afurika Yunze Ubumwe, by’umwihariko mu guteza imbere ibiganiro, ubufatanye n’ibisubizo birambye ku bibazo byugarije umugabane.
Umuryango wa Afurika yunze ubumwe muri uyu mwaka iyobowe na Perezida w’u Burundi Evariste Ndayishimiye, Umunyamabanga mukuru wayo akaba Umunya Djibouti Mahmoud Ali Youssouf.
