Amakuru Taarifa ikesha umuturage w’ahitwa mu Miduha avuga ko ahagana saa munani z’amanywa kuri uyu wa Mbere taliki 18, Nzeri, 2023, inkongi yadutse mu isoko ry’aho itwika ibicuruzwa by’abantu barindwi bahomba Frw 43,000,000.
Ibi byago byabereye ahitwa mu Kagari ka Rugarama, Umurenge wa Remera muri Nyarugenge.
Ba nyiri amaduka yahiye ni Rusanganwa, Ntakirutimana Safina, Ngendahimana Jean Pierre, Rutegana Donmicien, Nyirigira Alphonse na Ufitemahoro Asma.
Umuvugizi wa Polisi y’u Rwanda Assistant Commissioner of Police( ACP) Boniface Rutikanga yabwiye Taarifa ko hakekwa ko uriya muriro watewe n’umuntu wasudiraga biza gutuma ibyuma bishyuha bikora ku ntsinga umuriro waduka utyo.
Abapolisi bashinzwe kuzimya umuriro batabaye bagira
ibyo batabara.
