Umugaba w’ikirenga w’ingabo z’u Rwanda akaba na Perezida wa Repubulika Paul Kagame yaraye ahaye abasirikare barenga 700 amapeti yisumbuye kuyo bari basanganywe.
Muri bo harimo abajenerali bane yahaye ipeti rya Major General bari basanganywe irya Brigadier General.
The New Times yatangaje ko abahawe irya Major General ari Maj. Gen. Vincent Gatama, Maj. Gen. John Baptist Ngiruwonsanga, Maj. Gen. Denis Rutaha na Maj. Gen. Euphraim Rurangwa.
Abandi basirikare 17 bari bafite ipeti rya Colonel bahawe ipeti rya Brigadier General.
Abagera kuri 83 bari bafite ipeti rya Lieutenant Colonel bazamuwe mu Ntera bahabwa ipeti rya Colonel mu gihe abandi 98 bari bafite ipeti rya Major nabo bashyizwe ku ipeti rya Lieutenant Colonel.
Iri tangazo rigaragaza ko abasirikare 295 nabo bazamuwe mu ntera bakurwa ku ipeti rya Captain bahabwa irya Major.
Bane ari bafite ipeti rya Lieutenant bo bagizwe ba Captain.
Abasirikare bato bagera kuri 226 bazamuwe mu ntera bahabwa ipeti rya Sous Lieutenant kandi iyo izo mpinduka zitangajwe ziba zigomba guhita zikurikizwa.
