Ikipe ya RSSB Tigers yo mu Rwanda iheruka gutsinda Shanghai Sharks yo mu Bushinwa amanota 117-115 yabonye itike yo gukina ½ mu marushwanwa mpuzamigabane rya “FIBA international cup”, riri kubera i Beijing.
Ibi RSSB ibigezeho nyuma y’uko ikipe ya Lithuania yitwa Rytas Vilnius ihagarariye Uburayi imaze gutsinda Shanghai Sharks amanota 107-66 bisobanuye ko yo ihita ikomeza mu mikino ikurikira ya ½ bitewe nuko yabashije gutsinda umukino umwe kandi mu itsinda hagomba kuzamuka amakipe abiri bivuze ko hakomeje Lithuania’s Rytas Vilnius na RSSB Tigers.
Uko imikino izagenda mu cyiciro gukurikiyeho
Rytas Vilnius yo muri Lithuania iri mu Group A, kandi yarangije iri iya mbere muri Group A, ikazakina n’ikipe yabaye iya kabiri muri GROUP B, naho RSSB Tigers yabaye iya kabiri muri GROUP A, izakina n’ikipe yabaye iya mbere muri GROUP B, ni mu gihe umukino wanyuma uzaba kuwa 27 Nzeri(9) 2026, ubere i Beijing mu Bushinwa.
RSSB Tigers ihagarariye u Rwanda muri iyi mikino yabonye itike nyuma yo kwegukana “Basketball Africa League” (BAL) itsinze Angola Petro de Luanda ku mukino wa nyuma amanota 90-88.
