Ibiro Bya Minisitiri w’Intebe w’u Rwanda byasohoye itangazo ry’uko Prosper Mulindwa yagizwe Umuyobozi w’Akarere ka Rutsiro nyuma y’uko Inama nyobozi y’aka Karere iseshwe.

Mulindwa yari asanzwe ashinzwe gutegura ibikorwa muri Minisiteri y’ubutegetsi bw’igihugu.

Ni umuhanga mu icungamari, imari n’amabanki.

Yahuguwe kenshi kandi nawe agira uruhare mu guhugura abandi mu by’imiyoborere, kwita ku baturage, ikoranabuhanga n’imitekerereze ijora ikamenya gutandukanya ururo n’urwatsi.

Akarere ka Rutsiro kari gasanzwe kayoborwa na Madamu Triphose Murekatete.