Mu gitondo cyo kuri uyu wa Gatandatu Taliki 26, Mutarama, 2024 ishami rya Polisi rishinzwe umutekano wo mu mazi ryazindukiye mu gushakisha abaturage baraye barohamye mu kiyaga cya Mugesera.

Babiri babonetse bapfuye, ubu umubare w’abahitanywe n’iyi mpanuka yo mu mazi ikomeye kurusha izindi zayibanjirije ubaye abantu umunani.

Umuvugizi wa Polisi mu Ntara y’Uburasirazuba SP Hamdun Twizeyimana yari yabwiye itangazamakuru ko iriya mpanuka yatewe n’uko ubwayo bwapakiye abarenze ubushobozi bwabwo.