Menu
Indimi
Advert

Icyorezo COVID-19

U Burundi Bwemeje Ko Abantu 2600 Bamaze Gusangwamo COVID-19

Yanditswe kuwa

Leta y’u Burundi yatangaje ko abantu 2618 bamaze gusangwamo COVID-19, muri bo 2420 barakize naho 192 baracyarwaye.

Kuri uyu wa Mbere nibwo mu Burundi hakoranye inama y’igihugu ishinzwe guhangana na COVID-19, iyobowe na Minisitiri w’Umutekano Commissaire de Police Chef Gervais Ndirakobuca. Yasuzumiraga hamwe ishyirwa mu bikorwa ry’ubukangurambaga bwo guhangana n’icyorezo cya COVID-19.

Iyo nama ni yo yatangarijwemo ko abantu bamaze gusangwamo iyo ndwara mu Burundi ari 2618, mu gihe abakirwaye ari 192.

Minisitiri w’Ubuzima Dr Thaddée Ndikumana yagize ati “Kugeza ubu abamaze gupfa ni abantu batandatu.”

Abasesenguzi ariko bakunze gukemanga imibare itangazwa n’u Burundi, cyane ko ibikorwa bihuza abantu benshi byakomeje gufungurwa ndetse nta ngamba zikomeye zashyizweho zo kwirinda COVID-19 nko kwambara udupfukamunwa.

Mu gihe ibindi bihugu byakomeje gushakisha inkingo z’iki cyorezo ndetse abaturage batangiye gukingirwa, nta gahunda iratangazwa mu Burundi.

Abayobozi mu Burundi bakoranye inama bareba uko COVID-19 ihagaze
Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement