Menu
Indimi
Advert

Icyorezo COVID-19

U Butaliyani Bwahaye u Rwanda Inkingo 857,000 Za AstraZeneca

Yanditswe kuwa

U Rwanda rwakiriye inkingo 857,000 za COVID-19 zo mu bwoko bwa AstraZeneca, rwahawe na Leta y’u Butaliyani.

Ni impano yakiriwe kuri uyu wa Mbere n’Umuyobozi wa Porogaramu y’ikingira, Hassan Sibomana n’Umuyobozi Mukuru muri Minisiteri y’Ububanyi n’amahanga ushinzwe u Burayi, Amerika n’imiryango mpuzamahanga, Amb. Guillaume Kavaruganda.

Ni inkunga ikomeye kuko bijyanye n’uko urukingo rwa COVID-19 rwa AstraZeneca ruhabwa umuntu inshuro ebyiri, ari amahirwe yo gukingira byuzuye abantu 428,500.

Mu cyumweru gishize Leta zunze ubumwe za Amerika mu Rwanda nazo zahaye u Rwanda inkingo 751,140 za COVID-19 zo mu bwoko bwa Pfizer, ziyongera ku zindi zatanzwe mbere ku buryo inkunga yayo mu Rwanda yahise igera ki nkingo 1,239,830.

Bijyanye n’uko izi nkingo Pfizer zisaba ko umuntu ahabwa ebyiri, izatanzwe na Amerika zishobora gukingira byuzuye abantu 375,570.

Leta y’u Rwanda yiyemeje gukingira abaturage 30% by’abantu bakuru mbere y’uko uyu mwaka urangira na 60% bangana na miliyoni 7.8 kugeza mu mwaka utaha. Ubu hamaze gukingirwa hafi 25%.

Minisitiri w’Ubuzima Dr. Daniel Ngamije aheruka kuvuga ko Leta y’u Rwanda irimo gukora ibishoboka byose kugira ngo ibone inkingo zikenewe.

Yakomeje ati “Kandi irashimira abafatanyabikorwa bose badutera ingabo mu bitugu kugira ngo inkingo ziboneke kandi zigere ku baturage bacu.”

Kugeza kuri iki Cyumweru abaturarwanda bari bamaze gukingirwa byuzuye ni miliyoni 1,6 mu gihe abakingiwe nibura urukingo rumwe ari miliyoni 2.1.

Muri iyo gahunda hifashishwa inkingo zitangwa inshuro ebyiri za Pfizer, AstraZeneca na Sinopharm, na Jonson & Johnson ihabwa umuntu inshuro imwe.

Izi nkingo zatanzwe nk’impano ya Leta y’u Butaliyani

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here