Menu
Indimi
Advert

Politiki

U Rwanda Rwakiriye Izindi Nkingo 100.600 Za Pfizer

Yanditswe kuwa

Minisiteri y’Ubuzima yatangaje ko u Rwanda rwaraye rwakiriye inkingo 100.600 za Pfizer, binyuze muri gahunda mpuzamahanga igamije gukwirakwiza inkingo za COVID-19, COVAX.

U Rwanda rukomeje gutanga inkingo za COVID-19 nk’uburyo rukumbi bwafasha abaturage guhangana n’iki cyorezo. Ntabwo zibuza umuntu kwandura Coronavirus, ariko zituma adashobora kuremba ku buryo byatuma nubwo ubwandu bwaba buhari, ubuzima bwakomeza nk’ibisanzwe.

Ku wa 3 Werurwe nibwo u Rwanda rwakiriye inkingo za mbere za COVID-19. Zari zigizwe na 240.000 za AstraZeneca na 102.960 za Pfizer-BioNTech. Haje kwiyongeraho izindi 50.000 za AstraZeneca u Rwanda rwahawe n’u Buhinde.

Ziriya nkingo za AstraZeneca zatewe abantu uko zakabaye, mu gihe iza Pfizer hatanzwe igice mu rukingo rwa mbere, abaruhawe baza no guhabwa urwa kabiri. Ni mu gihe abahawe AstraZeneca bo bamaze igihe bategereje urukingo rwa kabiri.

Mu cyumweru gishize u Rwanda rwakiriye inkingo ibihumbi 247 harimo 117.600 rwahawe n’u Bufaransa, bituma rutangira gutanga doze ya kabiri y’urukingo rwa AstraZeneca.

Ni igikorwa kirimo gukorerwa mu bigo nderabuzima birenga 500 mu gihugu hose.

Kugeza kuri uyu wa Mbere abantu 167.686 bari bamaze guhabwa doze ya kabiri y’urukingo rwa AstraZeneca, barimo 34.226 baruhawe ejo.

Guverinoma y’u Rwanda ikomeje kuganira n’abafatanyabikorwa batandukanye kugira ngo haboneke inkingo zikenewe. Intego ni ugukingira abaturarwanda miliyoni 7.8 bitarenze umwaka wa 2022.

U Rwanda kandi ruri mu biganiro harebwa niba inkingo zimwe za COVID-19 zakorerwa muri iki gihugu.

Izi nkingo zagejejwe i Kigali n’indege ya KLM

Ababishinzwe ubwo bagenzuraga umuzigo bakiriye

Inkingo za Pfizer zibikwa mu bukonje bwihariye

 

 

 

 

 

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement