Dukurikire kuri

Mu mahanga

Ubwandu Bushya Bwa COVID-19 Muri Uganda Bwageze Kuri 22%

Published

on

Minisiteri y’Ubuzima ya Uganda yatangaje ko ubwandu bushya bwa COVID-19 bukomeje kuzamuka cyane, aho ibipimo bishya byagaragaje ko abantu banduye ari 22% ugereranyije n’abapimwe.

Kuri uyu wa Kane yagaragaje ko ibipimo 8,313 byafashwe ku wa 28 Ukuboza 2021 byemeje ko abantu 1,809 barwaye.

Mu banduye bashya harimo 912 bo muri Kampala, 341 bo muri Wakiso, 136 bo muri Kiruhura na 103 bo muri Luweero.

Ijanisha ry’abanduye ugereranyije n’abapimwe rigenda rizamuka kurushaho, kuko ku wa 27 Ukuboza ryari 18.3%, ku wa 27 Ukuboza 2021 riba 17%.

Uretse abantu bashya bandura, ubu abantu 69 barembeye mu bitaro bitandukanye mu gihe abamaze gupfa ari 3291, barimo bane bo ku wa Kabiri.

Abantu bose hamwe bamaze gusangwamo COVID-19 muri Uganda ni 139,079, mu gihe abakize ari 98,379. Bivuze ko abakirwaye ari 40,700.

Kugeza ubu inkingo zimaze gutangwa muri Uganda ni miliyoni 11,3.

Advertisement
Click to comment

Leave a Reply

Your email address will not be published.

Advertisement
Advertisement