Umucuruzi wo mu Mujyi wa Byumba mu Karere ka Gicumbi yishyikirije ku bushake inzego zibishinzwe amakarito 870 y’inzoga zitujuje ubuziranenge, yari yarahishe.
TV 1 yatangaje ko uwo muntu yavuze ko yafashe uyu mwanzuro nyuma yo kubona ko ibikorwa byo kurwanya no kurandura inzoga zitemewe bikomeje gukazwa.
Izi nzoga zifite agaciro k’amafaranga arenga miliyoni Frw 30, aho uyu mucuruzi yari amaze igihe azihishe kugira ngo adafatwa azicururiza abaturage.
Amakuru avuga ko uyu mucuruzi yafashe icyemezo cyo kuzishyikiriza inzego zibishinzwe nyuma yo kubona ko igenzura n’ingamba zo gukurikirana abacuruza inzoga zitujuje ubuziranenge bikomeje gukazwa akaba yatinye ko aramutse afashwe yabihanirwa bikomeye.
Iki gikorwa cyabaye mu gihe inzego zishinzwe kurengera ubuzima bw’abaturage n’izigenzura ubucuruzi zikomeje ibikorwa byo gukumira ibicuruzwa bitujuje ubuziranenge, by’umwihariko inzoga zishobora gushyira ubuzima bw’abazinywa mu kaga.
Inzoga zitujuje ubuziranenge zishobora guteza ibibazo bikomeye ku buzima bitewe n’imiterere yazo, uburyo zakozwemo cyangwa ibinyabutabire bishobora kuba byarashyizwemo mu buryo butagenzuwe.
Ni yo mpamvu inzego zishinzwe ubuziranenge n’iz’umutekano zikomeza kugenzura amasoko n’ahacururizwa inzoga.
Kuba uyu mucuruzi yarahisemo kuzishyikiriza inzego zibishinzwe ku bushake bishimangira ubukana bw’ingamba zo kurwanya inzoga zitujuje ubuziranenge no gukumira ko zikomeza kugera ku baturage.
Icyakora, hakenewe kumenya niba nta buyobozi bwaba bwaramukingiye ikibaba muri icyo gihe cyose kuko kurwanya ibyuma byatangiye ku italiki 02, Kanama(8) 2026.
