Umwe mu bakinnyi b’ikipe y’u Rwanda ya Handball witwa Fred Nshimyumuremyi wari witabiriye imikino y’igikombe cy’isi cy’umukino mu batarengeje imyaka 19 yatorokeye i Zagreb muri Croatia aho byaberaga.

Bagenzi bagiye kurira indege ngo bagaruke i Kigali baramubura!

Baraye bageze i Kigali mu ijoro ryakeye.

Umwe mu bayobozi b’Ishyirahamwe ry’Umukino wa Handball mu Rwanda niwe watangaje ko uriya mukinnyi yatorotse.

Nshimyumuremyi yari asanzwe akinira Police HC mu Cyiciro cya Mbere cya Shampiyona ya Handball mu Rwanda.

U Rwanda rwarangije ruri ku mwanya wa 27 mu bihugu 32 byakinnye iri rushanwa ryabereye muri Croatia tariki 2-13 Kanama.