Mu Rwanda
Umunyamakuru Manirakiza Théogène Yitabye Urukiko
Nyiri ikinyamakuru Ukwezi Manirakiza Théogène kinafite Umuyoboro wa Youtube witwa Ukwezi TV kuri uyu wa Kabiri taliki 24, Ukwakira, 2023 yitabye urukiko ku nshuro ya mbere ngo amenyeshwe ibyo aregwa agire n’icyo abivugaho.
Ubugenzacyaha bwamufashe bumukekaho icyaha cya ruswa, bumukorera idosiye ishyikirizwa ubushinjacyaha, nabwo buyishyikiriza urukiko rw’ibanze rwa Kagarama mu Karere ka Kicukiro.
Biteganyijwe ko urubanza rwe rutangira saa tatu za mu gitondo kuri uyu wa Kabiri.
Ku ikubitiro, RIB yatangaje ko Manirakiza yafatiwe mu cyuho yakira ruswa ya Frw 500.000 ngo adatangaza inkuru.
