Abaturage bo mu misozi miremire yo mu Majyaruguru y’Uburengerezuba bw’Ubushinwa bari mu kaga katewe n’umutingito wahitanye abantu 118 ariko bashobora kuza kwiyongera.

Itangazamakuru ryo mu Bushinwa rivuga ko uyu mutingito ari wo uhitanye abantu benshi mu myaka 10 ishize.

Wari ufite igipimo cya 6.2 ku gipimo cya Ritcher.

Si inzu gusa zahirimye ahubwo  hari n’inkangu zahirimanye  imiturirwa yo muri ako gace.

Abibasiwe cyane ni abo mu Ntara ya Qinghai, ubu abantu 113 nibo bapfuye ariko hari n’abandi 20 baburirwe irengero mu gihe abakomeretse barenga 500.

Mu gitondo abantu 105 nibo bari bamaze kubarurwa ko bahitanywe n’uriya mutingito.

Ni umutingito wageze mu bice bya Lanzhou, mu Ntara ya Gansu.

Abanyeshuri bo muri Kaminuza yo mu gace ka Lanzhou baraye biruka bahunga ngo inyubako z’iyo Kaminuza zitabagwira.

Mu mwaka wa 2013 mu Bushinwa habaye undi mutingito wahitanye 196.

Amateka yerekana ko umutingito wahitanye abantu benshi mu Bushinwa wabaye mu mwaka wa 2008 icyo gihe ukaba warahitanye abantu 90,000.