Raporo y’ikigo cy’igihugu gishinzwe ibarurishamibare yitwa Rwanda Vital Statistics Report 2025 igaragaza ko umutima, diyabete na kanseri ari zo ndwara zica Abanyarwanda kurusha izindi kuko zihariye 49.5% by’impfu zose zabereye mu mavuriro yo mu Rwanda mu mwaka wa 2025.
Hagati y’umwaka wa 2019 n’uwa 2025, impfu ziterwa n’indwara zandura zaragabanutse ziva kuri 70% mu 2019 zigera kuri 40% mu 2025.
Muri icyo gihe kandi indwara zitandura zariyongereye mu mibare ziva kuri 27.9% zigera hafi kuri kimwe cya kabiri cy’impfu zose.
Ku rundi ruhande, imibare igaragaza ko igihugu cyagabanyije ubwinshi n’ubukana bw’indwara zandura nka malaria, igituntu na VIH/SIDA, ariko hiyongera indwara zituruka ku mibereho n’imirire.
Abahanga mu buzima bavuga ko kwiyongera kw’indwara zitandura guterwa ahanini n’imibereho irimo kurya ibiribwa birimo amavuta n’isukari nyinshi, kudakora siporo, kunywa inzoga n’itabi, ndetse n’umuhangayiko ukibaje.
NISR igaragaza kandi ko impfu zituruka ku mpanuka n’imvune na zo ziyongera kwiyongera buhoro buhoro, aho zavuye kuri 2.1% mu 2019 zikagera kuri 10.5% mu 2025.
