Visi Perezida w’Inteko ishinga amategeko muri DRC witwa Jean Marc Kabund aherutse gutangaza ko kuva icyorezo COVID-19 cyagera muri kiriya gihugu kimaze kwica Abadepite 32 ni ukuvuga 5% by’Abadepite bose ba kiriya gihugu.
Imibare yerekana ko abantu banduye kiriya cyorezo muri Repubulika ya Demukarasi ya Kongo ari 31, 248 muri boa bantu 780 cyarabahitanye, bakabarirwamo n’Abadepite 32.
Mu rwego rwo kugabanya ibyago byo kwanduzanya, ubu Adepite basabwe kujya mu Nteko ishinga amategeko ya Repubulika ya Demukarasi ya Kongo bambaye agapfumunwa n’ubwo atari ko bose babikurikiza.
Ibikorwa byo gukingira abaturage muri kiriya gihugu byaratinze kuko ubutegetsi bwabanje kubuza ko abantu baterwa urukingo rwaAstraZenica kubera ko hari aho rwari rwaravuzweho kutuzuza ubuziranenge, bamwe baruterwa bakahasiga ubuzima.
Reuters yanditse ko kugeza ubu hari abantu 19 597 bamaze gukingirwa kuva tariki 19, Mata, 2021 ubwo gukingira byemerwaga.
Kugeza ubu imibare yerekana ko Repubulika ya Demukarasi ya Congo ituwe n’abaturage miliyoni 80.
