Sosiyete icuruza amashusho, CANAL+ yadabagije abakiliya bayo mu rwego rwo kubafasha kuzaryoherwa n’umukino wa nyuma wa Champions League uzahuza Liverpool na Real Madrid saa tatu z’ijoro kuri uyu wa gatandatu taLiki 28 Gicurasi 2022.
Ni umukino uzabera kuri ‘Stade de France’ ariko Abanyarwanda bakazawukurikira ku nyakiramashusho zabo bifashishije Dekoderi ya CANAL+ Rwanda. Uzatambuka kuri shene ya CANAL+ SPORT 3.
Mu rwego rwo gufasha abakiliya bayo kuzaryoherwa n’uyu mukino, CANAL+ iri gutanga Icyumweru cy’inyongera cyo kureba amashene yose ya siporo mu gihe umukiliya aguze ifatabuguzi iryo asanganywe ritarashira.
Umukiliya usanzwe agura ifatabuguzi rya Frw 5,000, iyo ariguriyeho irindi ry’ibihumbi Frw 5,000 ahita ahabwa iminsi irindwi y’inyongera yo kureba amashene yose ya CANAL+ SPORT asanzwe aboneka ku ifatabuguzi rya Frw 20,000.
Mu gihe umukiliya uguze ifatabuguzi rya Frw 10,000 iryo asanganywe ritarashira, we ahabwa iminsi irindwi yo kureba amashene yose ya CANAL+ Rwanda asanzwe aboneka ku ifatabuguzi rya Frw 30,000.
Umunyarwanda wifuza kuba umufatabuguzi mushya wa CANAL+ Rwanda afite amahirwe yo kugura Dekoderi iri kumwe n’ibikoresho byayo ku Frw 5,000 mu gihe igiciro cya Installation(kumanika ibikoresho) nacyo kiri Frw 5,000 muri poromosiyo yiswe Shuwa Diru( Sure Deal).
Uretse umukino wa nyuma wa Champions League, muri Kamena 2022, CANAL+ Rwanda kandi izerekana n’imikino y’amajonjora yo gushaka itike y’igikombe cy’Africa cyo muri 2023, aho u Rwanda ruri kwitegura umukino ukomeye uzaruhuza na Senegal.
Umukiliya wifuza kugura ifatabuguzi rya CANAL+ ashobora kunyura k’umucuruzi wemewe wa CANAL+ Rwanda, iduka rya CANAL+ Rwanda cyangwa akifashisha ikoranabuhanga nka MTN MOMO (*182*3*1*4#) cyangwa Airtel Money (*500*7#).
