Abantu 175 Barimo Abanduye Covid-19 Bafatiwe Mu Rugo Rw’Umuturage - Taarifa
Menu
Indimi

Mu Rwanda

Abantu 175 Barimo Abanduye Covid-19 Bafatiwe Mu Rugo Rw’Umuturage

Yanditswe kuwa

Polisi y’u Rwanda yatangaje ko yafatiye abantu 175 mu rugo rw’umuturage mu Karere ka Nyamagabe, barimo gusenga barenze ku mabwiriza yo kwirinda icyorezo cya COVID-19.

Mu igenzura n’ibipimo byakorewe bariya bantu 175, byagaragaye ko harimo babiri banduye Covid-19, abandi babiri batarikingije urukingo na rumwe naho abandi batandatu barakingiwe urukingo rumwe gusa.

Bafashwe kuri uyu wa Gatandatu tariki ya 29 Mutarama ahagana saa munani z’amanywa, mu murenge wa Gasaka, Akagari ka Kigeme, umudugudu wa Gakoma.

Umuvugizi wa Polisi mu Ntara y’Amajyepfo, SP Theobald Kanamugire yavuze ko gufatwa kwa bariya bantu byaturutse ku makuru yatanzwe n’abaturage.

Polisi yahise ijyayo isanga koko muri urwo rugo hateraniye abantu baturutse mu madini n’amatorero atandukanye barimo gusenga.

Bari bicaye bigeranye mu nzu abandi bari hanze, nta muntu wambaye agapfukamunwa, hafunganye ku buryo bigaragara ko nta mwuka uhagije uhari.

SP Kanamugire yashimiye abaturage batanze amakuru bariya bantu bagafatwa.

Yagaye abantu bakirimo kurenga ku mabwiriza yo kwirinda COVID-19 abakangurira kwisubiraho bakubahiriza amabwiriza mu rwego rwo kurinda ubuzima bwabo n’ubw’abandi.

Yagize ati “COVID-19 ntaho yagiye iracyahari, nta muntu ugomba kwirara yibwira ko icyorezo cyarangiye. Amabwiriza arahari kandi agomba kubahirizwa, bariya bantu bagombaga kujya gusengera mu nsengero zujuje ibisabwa kandi zirahari.”

Yakomeje avuga ko bariya bantu bamaze gufatwa barigishijwe abadakingiye barakingirwa abamaze kwandura bajyanwa mu kato. Inzego zibishinzwe zabaciye amande hakurikijwe amabwiriza y’inama njyanama y’akarere.

Tanga igitekerezo

Tanga igitekerezo

Your email address will not be published.

Advertisement

English Version

Advertisement
Advertisement Enter ad code here