Menu
Indimi
Advert

Ubuzima

Abantu 4.3% Mu Bapimwe COVID-19 Kuri Pasika Bayisanzwemo

Yanditswe kuwa

Imibare ya Minisiteri y’Ubuzima yagaragaje ubwandu buri hejuru bwa COVID-19, abanduye benshi baboneka mu Ntara y’Amajyepfo by’umwihariko mu turere twa Huye, Gisagara, Ruhango na Nyaruguru.

Iyi minisiteri yerekanye ko ijanisha ku bandura ryabaye 4.3% kuri iki Cyumweru, mu gihe ku wa Gatandatu ryari 1.2%, naho ku wa Gatanu ryari 3%. Ku wa Kane ryari 1.6%.

Imibare yatangajwe kuri iki Cyumweru cya Pasika yagaragaje ko mu bantu 5500 bapimwe COVID-19 yatahuwe mu bantu 239, mu gihe abakize ubwo burwayi ari 47.

Umubare munini w’abasanzwemo uburwayi ni abo mu Ntara y’Amajyepfo yihariye abarwayi 220 bangana na 92% by’abarwayi bose babonetse. Barimo 90 b’i Huye, 95 b’i Gisagara, 23 bo mu Ruhango, 18 b’i Nyaruguru, 8 b’i Nyanza na 6 b’i Nyamagabe.

Ni mu gihe mu Mujyi wa Kigali wose habonetsemo abarwayi 7 gusa, Intara y’Iburasirazuba ibonekamo 8 mu Turere twa Rwamagana (2), Bugesera (5) na Kayonza (1). Mu Ntara y’Iburengerazuba habonetseyo 4 bo mu Turere twa Rutsiro (1), Rubavu (1) na Rusizi (2).

Nta murwayi byatangajwe ko yabonetse mu Ntara y’Amajyaruguru.

Kugeza ubu mu Rwanda abantu bamaze kwandura COVID-19 ni 22.482, abamaze gukira ni 20.519 bangana na 91.2% by’abanduye bose. Abamaze gupfa ni 311.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement