Kuri Kigali Arena hari ukubera igikorwa cyo gukingira abanyamadini , abakora mu miryango itari iya Leta icyorezo cya COVID-19. Abanyamadini nabo bari mu bantu bafite ibyago byo kwandura kiriya cyorezo kubera akazi k’ivugabutumwa bakora gatuma bahura n’abantu benshi icyarimwe.
Akazi ko gukingira Abanyarwanda bafite ibyago byo kwandura COVID-19 kurusha abandi bitewe n’ubwoko bw’akazi bakora birakomeje. Kuri uyu wa Gatanu hakingiwe abacururiza mu masoko atandukanye yo mu Mujyi wa Kigali.
Haherewe ku bacururiza mu isoko rya Kabeza riri Mu Kagari mu Murenge wa Kanombe, mu Karere ka Kicukiro.
Kuri uyu wa Kane nibwo Perezida wa Repubulika na Madamu we bakingije.
Bakingiriwe ku bitaro byitiriwe Umwami Faysal biri ku Kacyiru mu Karere ka Gasabo.
Kugeza kuri uyu wa Kane tariki 11, Werurwe, 2021, Abanyarwanda bari bamaze gukingirwa barenga gato 230 000.
Biteganyijwe ko abakingirwa kuri uyu wa Gatandatu tariki 13, Werurwe, 2021 ari 1000.
