Menu
Indimi
Advert

Ubuzima

Abanyarwanda Ibihumbi 50 bagiye Guhabwa Urukingo Rwa Pfizer

Yanditswe kuwa

Minisiteri y’Ubuzima yatangaje ko inkingo 50.300 za Pfizer zagejejwe ku bigo nderabuzima n’ibitaro bya Leta hirya no hino mu Rwanda, zikazatangira guhabwa abantu batandukanye kuri uyu wa Kabiri.

Minisiteri y’Ubuzima iheruka gutangaza ko u Rwanda rwakiriye inkingo 100.600 za Pfizer, binyuze muri gahunda mpuzamahanga igamije gukwirakwiza inkingo za COVID-19, COVAX.

Kuri uyu wa Mbere Ikigo cy’Igihugu cy’Ubuzima, RBC, cyatangaje ko igice cya ziriya nkingo cyamaze kugezwa mu bice bitandukanye by’igihugu.

Kiti “Gukingira COVID-19 icyiciro gishya biratangira ku wa kabiri tariki ya 08.06.2021 hakingirwa abafite nibura imyaka 75. Abandi bazagenda bagerwaho hibandwa ku bakuze.”

Uru rukingo rutangwa incuro ebyiri zitandukanijwe n’ibyumweru 3 kugera kuri 4. Bivuze ko abantu bazahabwa urukingo rwa mbere, n’urwa kabiri ruzaba ruhari rutegereje.

U Rwanda rumaze iminsi muri gahunda y’ikingira. Mu kwezi gushize rwakiriye inkingo ibihumbi 247 harimo 117.600 rwahawe n’u Bufaransa, bituma rutangira gutanga urukingo rwa kabiri rwa AstraZeneca.

Kugeza kuri iki cyumweru abantu 228.169 bamaze guhabwa urukingo rwa mbere rwa COVID-19. Igikorwa cyo gukingira cyakomeje uyu munsi.

Muri rusange abafite urukingo bahawe ni 350.400.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement