Mu Kigo gitoza umutwe w’abapolisi b’u Rwanda bashinzwe kurwanya iterabwoba kiba i Mayange mu Karere ka Bugesera kitwa Counter Terrorism Training Center( CTTC) habereye umukino wo kumasha wakozwe n’abapolisi bari kurushanwa na bagenzi babo bahuriye mu marushanwa ya EAPCO.
Kuri Twitter hari amafoto yerekana abapolisikazi b’u Rwanda bambaye imyenda yabugenewe biruka bagana aho bari burasire intego.
Iyo ntego ni ibintu biba byamanitswe ahantu hirengeye bose bareba hanyuma bakarasa bakoresheje imbunda zo mu bwoko bwa pistols.
Nyuma yo kwegera neza intego, mu ntera ihagije nibwo abo bakobwa b’intwari batangira kumasha baharanira kurasa intego.
