Hari indege yaturutse muri Leta zunze ubumwe z’Amerika ipakiye toni 1200 z’ibisasu bita javelins igwa i Kiev muri Ukraine. Ambasade y’Amerika ivuga ko biriya bisasu byagenewe Ukraine kugira ngo izavune u Burusiya umunsi bwayirasheho.
Perezida Joe Biden niwe wemeje ko biriya bisasu byohererezwa Ukraine.
Ukraine iri guterwa inkunga ngo izivune u Burusiya ariko biragoye ko yo ubwayo yabishobora kuko u Burusiya buri mu bihugu bya mbere ku isi bifite ingabo n’intwaro zihambaye.
The 14th flight carrying U.S. security assistance, including Javelins, arrived at Boryspil tonight. The United States has provided almost 1200 tons of materiel, approved by President Biden in January, that Ukraine needs to defend itself against ongoing Russian aggression. pic.twitter.com/sZJhuqdWZB
— U.S. Embassy Kyiv (@USEmbassyKyiv) February 11, 2022
Muri iki gihe hari amakuru avuga ko u Burusiya bwohereje ku mupaka ubugabanya na Ukraine abasirikare 130, 000.
Ni abasirikare benshi kuko si ibihugu byinshi byohereza abasirikare bangana batyo icyarimwe mu ntambara.
Hari amakuru aherutse gutangazwa avuga ko u Burusiya bwateguye ko buzatangiza urugamba kuri Ukraine ku wa Gatatu taliki 16, Gashyantare, 2022.
Mu ntangiriro z’Icyumweru cyatangiye kuri uyu wa Mbere taliki 14, Gashyantare, 2022 hari inama izahuza ba Minisitiri b’ingabo z’ibihugu 30 bigeze OTAN/NATO kugira ngo barebere hamwe uko batabaza Ukraine yugarijwe n’u Burusiya.
Indege yavuye muri Amerika izaniye ibikoresho Ukraine yaguye ku kibuga cy’indege cya Boryspil.
Icyihishe Inyuma y’Intambara Ishobora Kurota Hagati ya Amerika, u Burusiya Na Ukraine
