Menu
Indimi
Advert

Ubutabera

COVID-19 Ifata N’Abapolisi, Ababa Hanze Y’U Rwanda Bari Kuyikingirwa

Yanditswe kuwa

Abapolisi b’u Rwanda bagiye  mu butumwa bw’Umuryango w’Abibumbye bwo kubungabunga amahoro ku mugabane w’Africa  bari guhabwa urukingo rwa kabiri rwa COVID-19. Iki gikorwa cyatangiye kuri uyu wa Gatatu tariki 19, gitangira ku bapolisi bari Repubulika ya Central Africa(MINUSCA).

Cyatangiriye ku matsinda abiri aherutse kujya gusimbura bagenzi babo, rimwe  rigizwe n’abapolisi 140 bashinzwe kurinda abayobozi bakuru ba Central Africa harimo Minisitiri w’Intebe w’iki gihugu, abagize Guverinoma, abayobozi mu Muryango mpuzamahanga ndetse n’ibindi bikorwaremezo.

Iri tsinda ryahawe urukingo hamwe n’abandi bapolisi b’u Rwanda 14 basanzwe muri iki gihugu bitegura kugaruka mu Rwanda kuko basimbuwe ndetse n’undi munyamahanga umwe.

Uru rukingo rwa kabiri rwanahawe irindi  tsinda rishinzwe kurinda abaturage  bakuwe mu byabo n’intambara naryo rigizwe n’abapolisi 140(FPU1), aba bose baherereye mu murwa mukuru wa Central Africa, Bangui.

Biteganyijwe ko andi matsindi abiri y’abapolisi b’u Rwanda bari mu butumwa bwo kubungabunga amahoro muri Sudani y’Epfo(UNMISS) bahabwa uru rukingo rwa kabiri  tariki ya 20 Gicurasi 2021.

Muri Werurwe uyu mwaka nibwo u Rwanda rwatangiye igikorwa cyo gukingira abantu barwo rwohereje mu butumwa bwo kubungabunga amahoro mu mahanga.

Aba bapolisi nubwo bahabwa urukingo bakangurirwa gukomeza kubahiriza amabwiriza yo kwirinda iki cyorezo cya COVID-19 kuko urukingo rutarinda ubwandu 100%.

Umuvugizi wa Polisi y’u Rwanda Commissioner of Police( CP), John Bosco Kabera yigeze kubwira Taarifa ko abapolisi b’u Rwanda nabo  bitwararika kugira ngo batandura kiriya cyorezo.

Ngo ibyo basaba Abanyarwanda kudakora nabo ntibarengaho ngo babikore.

Commissioner of Police John Bosco Kabera

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement