Abakoresha imbuga nkoranyambaga bakomeje kuvuga byinshi nyuma y’imyanzuro yatangajwe n’Urwego rw’Iterambere (RDB) ku mabwiriza ajyanye na Guma mu rugo iteganyijwe ku wa 17 – 26 Nyakanga 2021 mu Mujyi wa Kigali n’Uturere umunani.
Umwanzuro wa mbere ni uko resitora zo muri ibyo bice zitemerewe gushyira abantu amafunguro mu ngo cyangwa kuyategurira abayatwara, uwa kabiri ukaba ko Abakerarugendo baturuka mu mahanga bazoroherezwa kubona impushya z’ingendo mu gihe abakerarugendo b’imbere mu gihugu basabwa guteganya ingendo zabo nyuma ya gahunda ya Guma mu rugo.
Kuki impaka zabaye nyinshi?
Resitora
Ubuzima bwo mu mujyi bugira ibyabwo. Bitewe n’imiterere y’akazi k’umuntu cyangwa ubushobozi bwe, hari benshi batandukanye no guteka ku buryo barya muri Resitora cyangwa Hoteli.
Dusubije amaso inyuma nko kuri Guma mu Rugo yemejwe n’Inama y’Abaminisitiri yo ku wa 18 Mutarama 2021 yashyiriweho Umujyi wa Kigali, mu mabwiriza yahise ashyirwaho harimo irya ‘f’, ryavugaga ko “resitora na café zizajya zitanga gusa serivisi zo kugeza ku bantu ibyo bakeneye batahana.”
Bivuze ko muri iyi minsi 10 iri imbere, abantu biringiraga resitora gusa ngo babashe gukora ku munwa, mu masaha make basigaranye bagomba kwiyegereza ishyiga rya gaz, amashanyarazi cyangwa imbabura, utazi guteka akabyiga.
Ni umwanzuro wafashwe mu gihe resitora zari zimaze igihe zisaba ko zakongererwa amasaha yo kugeza ku bantu ibyo bakeneye, na nyuma ya ya masaha yateganywaga ko ingendo zigomba kuba zarangiye.
Abacuruza resitora ni bamwe mu bagezweho n’ingaruka zikomeye za COVID-19, bijyanye n’uburyo amabwiriza yakomeje kugenda ahagarika ingendo nyinshi n’abantu bagashishikarizwa gukorera mu ngo.
Uyu mwanzuro wavuzweho byinshi ku mbuga nkoranyambaga.
People are complaining to RDB that they don't know how to cook 😂😂😂
— Chris Irakoze (@iQuitNot) July 15, 2021
Abasiribateri who can’t cook after that RDB tweet prohibiting food delivery: pic.twitter.com/AyuYcYxFCd
— Rutarindwa (@BobbyRuta) July 15, 2021
RDB really said “who’s gonna marry you if you can’t cook?”💀 pic.twitter.com/qeGurbEbJX
— 𝕋𝕙𝕖 𝕙𝕠𝕣𝕞𝕠𝕟𝕖 𝕞𝕠𝕟𝕤𝕥𝕣𝕖𝕤𝕤🫧 (@Skurt_Cobaine) July 15, 2021
RDB said muriga guteka by fire by force💀💀💀💀
— Bazimya Brian (@BrianBazimya) July 16, 2021
RDB said get your frying pans from the cupboard and get to the cooking!
😂😂😂
I am opening an online cooking class for y'all…
Tune in!
We gon start on making tea!
😂😂😂💀💀💀— Deeeeeeee (@2de_09) July 15, 2021
Minisiteri y’Ubucuruzi n’inganda yemeje ko muri serivisi zizakomeza harimo abakora imirimo yo kugemura ibicuruzwa.
Kubera ko amasoko y’ibiribwa, ubucuruzi bw’inyama, amata n’ibiyakomokaho bizakomeza gukora, amahirwe asigaye ni uguhaha bigatunganyirizwa mu rugo!
Ubukerarugendo
Abantu bamwe ku mbuga nkoranyambaga basa n’abagowe no kwakira uburyo umukerarugendo uturutse mu mahanga ahabwa ikaze, uwo mu gihugu agasabwa kuba aretse.
RDB yatangaje iti “Abakerarugendo baturuka mu mahanga bazoroherezwa mu kubona impushya z’ingendo hubahirizwa amabwiriza ariho yo kwirinda icyorezo cya COVID-19. Ibi kandi birareba hoteli, abatwara abakerarugendo n’abandi bakora imirimo yo gufasha abakerarugendo.”
“Abakerarugendo b’imbere mu gihugu barasabwa guteganya ingendo zabo nyuma ya gahunda ya Guma mu rugo.”
Abantu bagendaga bavuga ko ba mukerarugendo bavuye mu mahanga bazajya basabwa kwipimisha COVID-19, mu gihe n’abo mu gihugu ubwo bushobozi babufite.
Umuyobozi Mukuru wa RDB, Clare Akamanzi, yanditse kuri Twitter ko iki cyorezo cya COVID-19 cyatumye hafatwa ibyemezo bikomeye, bitari byifujwe, ariko nta kundi byagombaga kugenda.
Ati “Icya mbere ni ukurokora ubuzima. Guma mu rugo ni iminsi 10 gusa, nyuma yayo ubukerarugendo bw’imbere mu gihugu buzasubukurwa. Abakerarugendo bo mu mahanga bari hano mu gihe gito, ari nayo mpamvu bashyiriweho umwihariko.”
COVID-19 pandemic has caused us to make tough, undesirable but necessary decisions to control its spread. The priority here is to save lives. The lockdown is only for 10 days, after which domestic tourism will resume. International tourists here for limited time hence exception.
— Clare Akamanzi (@cakamanzi) July 16, 2021
Yasubizaga uwitwa Malik wari uvuze ko uriya mwanzuro udakwiye, kubera ko abenegihugu bagomba gushyirwa imbere, bakishimira ibyiza by’ubukerarugendo kimwe n’abanyamahanga.
Biranashoboka ariko ko Guma mu rugo itazamara iriya minsi 10 gusa, ugendeye ku kiganiro Minisitiri w’Ubuzima Dr Ngamije Daniel yaraye ahaye abanyamakuru kuri wa Kane.
Yavuze ko hagiye gushyirwaho nibura ahantu habiri muri buri kagari hapimirwa COVID-19, cyane cyane mu bice birimo ubwandu bwinshi.
Ati “Tuzongera dusuzume abantu ku munsi wa 9 n’uwa 10, tumenye tuti ’dore ikivuyemo’, ndetse murabizi ko ibyemezo Guverinoma ibifata ishingiye ku makuru aba ahari kandi twese tuba tubona.”
Umunyamabanga wa Leta muri Minisiteri y’Ubuzima, Dr Mpunga Tharcisse, aheruka kuvuga ko hari intego yo gupima abantu 900.000 mu gihe gito kiri imbere. Ni ugutegereza ibizavamo.
International tourists VERY WELCOME.
Domestic tourists: Wait until after lockdown.
Interesting.
— Julius Bizimungu🇷🇼 (@Julio_Bizimungu) July 16, 2021
Ibi ubanza ari byo bita gucisha bugufi umwenegihugu imbere y'umunyamahanga. We should decolonise our minds and souls. pic.twitter.com/ap0OkIMkEj
— Janvier POPOTE (@JanvierPopote) July 15, 2021
Ok, I need a clarification for this as well. @RDBrwanda does it mean that a foreigner can test then visit Akagera Park but a Rwandan cannot?? https://t.co/ddlmE3ELdu
— Isabelle T2 (@isatitou) July 15, 2021
Dear @isatitou
Considering the short duration International tourists spend in the country, it’s a temporary decision to curb community spread of COVID-19. We encourage domestic tourists who have the opportunity to visit at anytime, to schedule their travel after the lockdown.
— Rwanda Development Board (@RDBrwanda) July 15, 2021
I think it is about money. If it about limited time, then people who live abroad but were here for their wedding also had limited time, having taken the risk to travel.
— Karemera Dean (@karemeradean) July 15, 2021
I personally think this is a good thing. There's no need to expose Rwandan people to unecessary risks. They can visit anytime. International tourists have a limited time. They have already taken the risk by traveling, permitting them to visit is the fair thing to do.
— Blue Rose (@blueflora52) July 15, 2021
Umuntu wese winjiye mu Rwanda agomba guhita apimwa COVID-19, akabanza gutegereza ibisubizo ari muri hoteli, mbere yo gukomeza gahunda ze.
Gusa abantu baturutse cyangwa banyuze mu Buhinde na Uganda mu minsi irindwi ishize, bashyirwa mu kato k’iminsi irindwi muri hoteli zirimo Ubumwe Grande Hotel, Landmark Suites Hotel, Corina K. Guesthouse, Colours Club SPA & Garden Resort, Hilltop Hotel, Paradol Boutique Hotel na Best Inn Motel, bakiyishyurira ikiguzi.
