Madamu Jeannette Kagame yitabiriye Inama y’Abafasha b’Abakuru b’ibihugu by’Afurika igamije iterambere iri kubera i New York. Ni Inama y’Umuryango witwa OAFLAD ikaba yateranye mu rwego rwo kurebera hamwe aho ibyo uyu muryango wiyemeje bigeze bikorwa.
Ni muri gahunda uyu muryango wihaye wo mu mwaka wa 2019 n’umwaka wa 2024.
Abadamu b’Abakuru b’Ibihugu bya Afurika bahuriye i New York kuko ariho hateraniye Inteko Rusange y’Umuryango w’Abibumbye yitabiriwe na ba Perezida batandukanye bo muri Afurika ndetse no ku Isi.
Inama yahuje abagize OAFLAD iri kurebera hamwe aho uyu muryango ugeze ushyira mu bikorwa gahunda wihaye.
Ni gahunda igamije guha icyerekezo gishya uwo muryango no kurushaho guteza imbere umugabane wa Afurika.
Iyi gahunda yatumye inshingano z’uwo muryango zongerwa, ziva k’ukurwanya SIDA gusa ahubwo ziba urwego rwo guhinduka Umuryango w’Abadamu b’Abakuru b’ibihugu bya Afurika ugamije iterambere, Organization of African First Ladies for Development (OAFLAD).
Wihaye kandi inshingano zo guteza imbere iby’ubuzima bw’imyororokere no kwita ku babyeyi n’abana bakivuka.
Wita kandi k’uguteza imbere uburinganire no guha ubushobozi urubyiruko n’abagore, guharanira ubuvuzi bugera kuri bose, kwita ku mibereho myiza, kwita ku bafite ubumuga ndetse no kongerera inzego ubushobozi.
Umugore wa Perezida wa Namibia, Monica Geingos, ari nawe uyobora uriya muryango.
Yagaragaje ko n’ubwo intego uyu muryango wari wihaye zagiye zikomwa mu nkokora n’icyorezo cya COVID-19, ugikomeje inzira niza kandi ibintu biri kugenda neza.
A Working Lunch for African First Ladies:
The implementation of the @OAFLAD 2019-2024 Strategic Plan, despite Covid disruptions, is well under way.
Today, in New York, First Lady Mrs Jeannette Kagame joins her Sisters to evaluate steps ahead; progress is in the pipeline! pic.twitter.com/KVfSZdtUPh
— First Lady of Rwanda (@FirstLadyRwanda) September 20, 2022
Umuryango OAFLAD washinzwe mu mwaka wa 2002.
Madamu Jeannette Kagame yigeze kuwubera umuyobozi kuva mu mwaka wa 2004 kugera 2006.
Niwe watangije gahunda yo kwita ku bana kugira ngo barererwe mu miryango.
Awuyobora nibwo hatangijwe ubukangurambaga bwo ku rwego rwa Afurika bugira buti: “Ita ku mwana wese nk’uwawe.’
