Angeline Ndayishimiye yaje mu Rwanda kwitabira inama mpuzamahanga ihuza abagore aciye inzira y’ubutaka.
Kuri uyu wa Mbere nibwo Taarifa yari yanditse ko umufasha wa Perezida w’Uburundi Angeline Ndayishimiye ari buze mu Rwanda mu nama yatumiwemo.
Asuye u Rwanda mu gihe kiza kubera ko umubano hagati ya Kigali na Gitega umeze neza.
Aje kandi nta gihe kinini gishize avuye i New York kwakira igihembo yahawe n’Ishami ry’Umuryango w’abibumbye rishinzwe abaturage kubera uruhare yagize mu kuzamira imibereho y’Abarundikazi.
Akigera mu Rwanda yakiriwe na Madamu Jeanne d’Arc Gakuba, umujyanama wihariye wa Madamu Jeannette Kagame.
