Menu
Indimi
Advert

Ububanyi n'Amahanga

Minisitiri w’Intebe Ngirente Yitabiriye Irahira Rya Perezida Touadéra Wa Centrafrique

Yanditswe kuwa

Minisitiri w’Intebe Dr Edouard Ngirente yitabiriye umuhango wo kurahira kwa Perezida wa Repubulika ya Centrafrique, Faustin Archange Touadéra, i Bangui, aho yari ahagarariye Perezida Paul Kagame.

Dr Ngirente yari aherekejwe na Minisitiri w’Ububanyi n’amahanga Dr Vincent Biruta n’Umugaba Mukuru w’Ingabo z’u Rwanda Gen Jean-Bosco Kazura.

Abandi bayobozi bitabiriye uyu muhango ni Perezida Evariste Ndayishimiye w’u Burundi na Minisitiri w’Intebe wa Cameroon Dion Ngute.

Touadéra yarahiriye imbere y’inteko ishinga amategeko, atangira kuyobora Centrafrique muri manda ya kabiri y’imyaka itanu.

Mu ijambo rye amaze kurahira, Perezida Touadéra yavuze ko agiye kongera imbaraga mu kurwanya umuco wo kudahana ku byaha bikorwa n’imitwe yitwaje intwaro, ku buryo abaturage ba Centrafrique bagomba kubaho mu mahoro n’umutekano.

Yavuze ko azita cyane ku iterambere ry’abaturage no kubaka ubukungu butagira uwo buheza.

Touadéra yatorewe manda ya kabiri mu Ukuboza 2020, agira amajwi 53.16 ku ijana.

Ni amatora yabaye acungiwe umutekano n’ingabo zirimo iz’u Rwanda.

Perezida Ndayishimiye w’u Burundi yitabiriye uyu muhango
Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here