Abayobozi batandukanye barimo na Minisitiri w’ububanyi n’amahanga w’Ubwongereza David Cameron bamaganye iraswa rya Minisitiri w’intebe wa Slovakia witwa Robert Fico.

Yarasiwe hafi y’inyubako y’ahitwa Handlova ahari habereye Inama y’Abaminisitiri yari yayoboye.

Uwamurashe yaje gufatwa naho Minisitiri w’intebe we ajyanwa kwa muganga.

Abanyamakuru babibonye bavuga ko bumvise amasasu menshi avuga barebye basanga ni Minisitiri w’intebe wa Slovakia warashwe.

Amasasu yamushegeshe.

Abayobozi batandukanye ku isi bamaganye iryo raswa.

Barimo Perezida w’Umuryango w’Ubumwe bw’Uburayi Ursula von der Leyen, Minisitiri w’Intebe wa Roumania witwa Marcel Ciolacu, Minisitiri w’intebe wa Repubulika ya Czec witwa Petr Fiala na mugenzi we wa Hungary witwa Viktor Orabn n’abandi.