Urwego rw’Igihugu rw’Ubugenzacyaha bwataye muri yombi Umupadiri wo muri Paruwasi ya Ntarabana muri Diyoseze ya Kabgayi bumukurikiranyeho icyaha cyo gusambanya umwana w’umuhungu w’imyaka 17.
Ubutumwa bwa RIB kuri Twitter bugira buti: “Padiri Habimfura Jean Baptiste wo muri Paruwasi ya Ntarabana muri Diyosezi ya Kabgayi yatawe muri yombi akekwaho icyaha cyo gusambanya umwana w’umuhungu w’imyaka 17 wabakoreraga.”
RIB ivuga ko yafatiye uriya mupadiri kuri uyu wa Kane tariki 11, Gashyantare, 2021 agiye kwambuka umupaka wa Rusumo agerageza gutoroka.
