Mu Murenge wa Rubona mu Karere ka Rwamagana haravugwa umusore w’imyaka 30 uvugwaho kwica Nyina amutemye.
Uyu mubyeyi yitwaga Nyirambonabucya Eshter yari atuye mu Kagari ka Nawe mu Mudugudu wa Cyiri.
Chantal uyobora Umurenge wa Rubona yemeje ayo makuru avuga ko inzego z’umutekeno zafashe uwo musore ngo ajye gukurikiranwa kuri icyo cyaha akekwaho.
Gitifu wa Rubona yitwa Chantal Mukashyaka yagize ati: “Abaturage bahise bafata uwo musore kugeza ubu ari kuri Sitasiyo ya Polisi ya Rubona.”
Atangaza ko nta makimbirane yari asanzwe avugwa muri uwo muryango, icyakora hari abavuga ko uwo musore yari afite ibibazo byo mu mutwe.
