Menu
Indimi
Advert

Icyorezo COVID-19

U Rwanda Rugiye Guhabwa Izindi Nkingo Zisaga Ibihumbi 100 Za Pfizer

Yanditswe kuwa

Leta y’u Rwanda igiye guhabwa izindi nkingo 100,620 za Pfizer, muri gahunda mpuzamahanga yo gufasha ibihugu bikiri mu nzira y’amajyambere kubona inkingo za COVID-19, COVAX.

Kuri uyu wa Mbere nibwo gahunda ya COVAX yatangaje ko mu cyiciro cya gatatu cyo gutanga inkingo, hagiye gutangwa izigera kuri miliyoni 14.1 za Pfizer/BioNTech ku bihugu 47, hagati ya Mata na Kamena 2021.

Mu cyiciro cya mbere hatanzwe inkingo miliyoni 1.2 za Pfizer- BioNTech mu gihembwe cya mbere cya 2021 ku bihugu 18.

Mu cyiciro cya kabiri hatanzwe inkingo miliyoni 237 za AstraZeneca/Oxford zakozwe na Serum Institute of India (SII/AZ), zahawe ibihugu 142, zikazatangwa kugeza muri Gicurasi 2021.

Bwa mbere u Rwanda rwahawe inkingo 102,960 Za Pfizer, ndetse rwemererwa izindi 744,000 za AstraZeneca, rubanza guhabwaho 240,000 zaje kwiyongeraho izindi 50.000 rwahawe n’u Buhinde.

Mu Rwanda abahawe urukingo ni 348.926.

Abahawe urwa Pfizer bahawe ebyiri ziteganywa, mu gihe abazahabwa iza AstraZeneca bagitegereje izindi. Ntabwo haratangazwa igihe zizabonekera.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement