Minisitiri w’ububanyi n’amahanga w’u Rwanda Dr Vincent Biruta yasinyanye na Pologne amasezerano y’ubutwererane mu nzego zinyuranye. Dr Biruta yayasinyiye mu murwa mukuru wa Pologne witwa Varsovie( Warsaw).
Yahuye na mugenzi we ushinzwe ububanyi n’amahanga bwa Pologne Bwana Rau Zbigniew.
Bimwe mu byo bagiriye harimo ubufatanye mu guteza imbere uburezi, guhanahana ubunararibonye muri nzego za Politiki no guhugurana mu by’ikoranabuhanga.
Pologne ni igihugu kuri mu Burayi rwagati. Kigizwe n’Intara 16 , kikaba kiri ku buso bwa kilometero kare 312,696.
